Հայտամրցույթ. Բարելավել Ֆրանսերենի որպես օտար լեզվի (FLE) դասավանդման հմտությունները Հայաստանում վերապատրաստողների ազգային ցանց ստեղծելու նպատակով [fr]
Համատեքստ
Հայաստանում Ֆրանսիայի դեսպանության մշակույթի և համագործակցության բաժինը 2024-2025 թվականների համար մեկնարկում է <<Ֆրանսերենի խթանումը Հայաստանում >> պիլոտային նախագիծը, որը ֆինանսավորվում է Ֆրանսիայի Եվրոպայի և արտաքին գործերի նախարարության կողմից՝ համագործակցելով ՀՀ կրթության, գիտության, մշակույթի և սպորտի նախարարության հետ։
Ծրագրի նպատակն է աջակցել հայկական դպրոցների կրթական քաղաքականությանը՝ ի նպաստ ֆրանսերենի ուսուցման և բազմալեզվության:
Նպատակները և ակնկալվող արդյունքները
Ծրագրի նպատակն է ստեղծել ֆրանսերենի որպես օտար լեզվի (FLE) ուսուցիչների վերապատրաստողների ազգային ցանց, նպատակ ունենալով.
- Արձագանքել երկրում ֆրանսերենի ուսուցիչների վերապատրաստման կարիքներին, մասնավորապես նոր ծրագրի շրջանակներում
- Շարունակաբար ամրապնդել FLE մասնագետների հմտությունները
Հայաստանում Ֆրանսիայի դեսպանությունը ՀՀ կրթության, գիտության, մշակույթի և սպորտի նախարարության հետ համատեղ հայտարարում է հայտամրցույթ՝ վերապատրաստող դասընթացավար դառնալ ցանկացող FLE ուսուցիչներին հնարավորություն տալով մասնակցել վերապատրաստման դասընթացների:
Ընտրված մասնակիցները 2024-2025 թվականների ընթացքում կմասնակցեն France Education International (FEI) – ի կողմից համակարգվող և 225 ժամ ընդհանուր տևողությամբ դասընթացների։
Դասընթացի ավարտին, իրենց վերապատրաստումը վավերացնելուց հետո, մասնակիցները կդառնան Հայաստանի Հանրապետության կրթության, գիտության, մշակույթի և սպորտի նախարարության կողմից պաշտոնապես ճանաչված վերապատրաստող դասընթացավարներ: Որպես վերապատրաստող նրանց աշխատանքը կվարձատրվի նախարարության կողմից։
2024-2025 թթ․ վերապատրաստման դասընթացների նկարագրությունը
Մաս 1. Ամրապնդել և զարգացնել FLE դասավանդման հմտությունները
| Մոդուլի անվանումը | Տևողություն | Ընթացակարգ | Նախատեսվող ժամանակահատված |
| Դասավանդման համար CECRL սկզբունքների կիրառում | 15 ժամ | Հեռահար | 2024թ․ ապրիլ - հունիս |
| Գնահատման համար CECRL սկզբունքների կիրառում | 15 ժամ | Հեռահար | 2024թ․ ապրիլ - հունիս |
| Դասաժամի կազմակերպում ըստ դասագրքի | 15 ժամ | Հեռահար | 2024թ․ ապրիլ - հունիս |
Մաս 2. Զարգացնել և դինամիկ դարձնել FLE ուսուցիչների դասավանդման պրակտիկան
| Մոդուլի անվանումը | Տևողություն | Ընթացակարգ | Նախատեսվող ժամանակահատված |
| BELC դասավանդման ծրագրից 2 մոդուլ ըստ ընտրության | 30 ժամ | Առկա, Ֆրանսիայում | 2024թ․ հուլիսի առաջին կամ երկրորդ կես |
| Ֆրանսերենի դասընթացը դարձնել բազմազան և տարաժանր գիտելիքների աղբյուր | 30 ժամ | Առկա, Ֆրանսիայում | 2024թ․ հուլիսի առաջին կամ երկրորդ կես |
Մաս 3․ Համապատասխանեցնել և կիրառել հեռավար ուսուցման փորձարկված մոդուլները
| Մոդուլի անվանումը | Տևողություն | Ընթացակարգ | Նախատեսվող ժամանակահատված |
| Համապատասխանեցնել և կիրառել փորձարկված մոդուլները | 30 ժամ | Առկա Հայաստանում և հեռավար | Պետք է հստակեցնել |
| Աջակցել ուսուցիչների՝ FLE դասավանդման վերաբերյալ նրանց գիտելիքների ամրապնդման համար հեռավար վերապատրաստմանը | 30 ժամ | Առկա Հայաստանում և հեռավար | Պետք է հստակեցնել |
Մաս 4. Առկա դասընթացների տարածում (վավերացում)
| Մոդուլի անվանումը | Տևողություն | Ընթացակարգ | Նախատեսվող ժամանակահատված |
| Կազմակերպել և վարել FLE ուսուցիչների վերապատրաստման առկա դասընթացներ | 30 ժամ | Առկա Հայաստանում և հեռավար | Պետք է հստակեցնել |
| Ստեղծել առկա ուսուցման մոդուլներ | 30 ժամ | Առկա Հայաստանում և հեռավար | Պետք է հստակեցնել |
Հայտամրցույթին մասնակցելու կարգը
Նախապայմաններ՝
- FLE (Ֆրանսերենը որպես օտար լեզու) դասավանդման առնվազն 2 տարվա փորձ
- Ֆրանսերենի առնվազն B2 մակարդակ
- Մոտիվացիա և հասանելիություն
Դիմելու համար՝
Ուղարկեք ձեր ինքնակենսագրականը, ուղեկցող նամակը մինչև 2024 թվականի ապրիլի 7-ը էլեկտրոնային փոստով տիկին Դոմինիկ Վեսին Dominique.vaysse@diplomatie.gouv.fr
Հավելյալ տեղեկատվության համար՝ Dominique.vaysse@diplomatie.gouv.fr