Արտերկրում ֆրանսերենի դասավանդման գործակալության առաքելությունը Հայաստանում. նոր հեռանկարներ ֆրանսիական դպրոցների համար [fr]

Արտերկրում ֆրանսերենի դասավանդման գործակալության (ԱՖԴԳ) Կրթության աջակցության ծառայության պետ պարոն Ժան-Լյուկ Մասեն-ի և վերջինիս օգնական տիկին Բերանժեր Բարտեի Հայաստան կատարած այցի կապակցությամբ Ֆրանսիայի Դեսպան պարոն Անրի Ռենոն կազմակերպել էր ընդունելություն, որին մասնավորապես ներկա էին ֆրանսիական տարրական դպրոցի և մանկապարտեզի տնօրենները, ուսուցիչները, ինչպես նաև աշակերտների ծնողները:

Դեսպանը հիշեցրեց ԱՖԴԳ կարևորությունը՝ 130 երկրում 480 հաստատություն, որոնցում ընդգրկված են ավելի քան 300 000 աշակերտ: Սույն հաստատությունները, որոնք առաջարկում են Ֆրանսիայի կրթական ծրագրին համարժեք կրթություն, ապահովում են ֆրանսիացի, ինչպես նաև տվյալ երկրում ֆրանսիական կրթության որակով և ֆրանսիական դիպլոմներով հետաքրքրված աշակերտների ընդունելությունը: ԱՖԴԳ կողմից կրթաթոշակներ կարող են տրամադրվել ֆրանսիացի աշակերտներին:

Երևանի երկու դպրոցները ներգրավված են ԱՖԴԳ ցանցում և ապահովում են 141 երեխայի կրթությունը: Այդ հաստատությունները տրամադրում են բոլորի կողմից ճանաչված ֆրանսերեն լեզվով որակյալ ուսուցում, ինչում էլ կայանում է դրանց գրավչությունը: Այսօր երկու դպրոցներն ակտիվորեն փնտրում են մեկ ընդհանուր շենք, որտեղ կհաստատվեն երկու կառույցները:

Դեսպանը գոհունակություն հայտնեց Երևանի երկու ֆրանսիական դպրոցների մերձեցման կապակցությամբ, որոնք այսուհետ ունեն համատեղ հաստատման ծրագիր, միասնական կայքէջ և այդ հաստատություններում, ինչպես նաև Դեսպանությունում առկա տեղեկատվական գրքույկներ:

Դեսպանն ընդգծեց մանկապարտեզից համալսարան ամբողջական կրթության հաստատման կարևորությունը, որը բակալավրից հետո աշակերտներին հնարավորություն կընձեռի բարձրագույն կրթությունը շարունակել Ֆրանսիայում:

Պարոն Մասենն իր հերթին գոհունակություն հայտնեց երկու դպրոցների դինամիկության համար:

Սույն ընդունելությունն առիթ հանդիսացավ, որպեսզի աշակերտների ծնողները երկար հաղորդակցվեն Դեսպանության մշակութային ծառայության, ԱՖԴԳ ներկայացուցիչների, ինչպես նաև դպրոցների տնօրենների հետ:

JPEG - 68.5 ko
L’Ambassadeur de France et l’Ambassadeur Hristea, Chef de la délégation européenne en Arménie s’entretiennent avec M. Massin
JPEG - 70 ko
L’Ambassadeur de France s’entretenant avec les institutrices des écoles françaises
JPEG - 76.1 ko
M. Massin, Mme Bartet et le Conseiller de Coopération et d’Action Culturelle, M. Jean-Michel Kasbarian se félicitent des nouvelles perspectives pour les écoles françaises

տպագրված ... 31/05/2017

Էջի սկիզբ